موضوع: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الإثنين يونيو 02, 2008 3:08 pm
بسم الله الرحمن الرحيم
ربما يكون هذا الموضوع هو الأكثر أهمية من بين مواضيع الدعوة -مش عشان أنا اللي كاتباه- أعوذ بالله من الكبر والغرور لكن عشان في الصفحة دي كل واحد فينا هيضيف خبرته الدعوية يعني ايه خبرته الدعوية دي ؟ }متبطلي فلسفة يا ست زهرة{ ولا فلسفة ولا حاجة ،،، كل الحكاية إن أكيد في موقف مؤثر جداً دعيتي فيه إلى الله فأختاك أو صاحبتك اللي دعيتيها اتأثرت أو استجابت
أو يمكن ما استجبتش
كل اللي مطلوب ان احنا نتشارك خبراتنا في الدعوة ونقول تجاربنا في الدعوة علمتنا ايه ؟
يعني نعمل ايه؟ خلاص متبلموش كده أنا هقولكم على مواقف حصلت معايا الموقف الأول : مرة كنت بصلي في مسجد ، وكنت أنا واقفة جنب الحيطة بس بيني وبين اللي جنبي فراغ طبعاً بقى قلت لنفسي احنا لحد امتة هنفضل كده ؟ في بينا وبين بعض فراغات كده عمر المسلمين ما هيتحدوا لازم الواحد يسد الخلل ويساوي الصفوف ويحاذي بين المناكب والأقدام يعني لازم نبقى قريبين أوي من بعض فـــ اتشجعت وقلت لنفسي ما أسحب الست اللي جنبي دي عشان ما يبقاش في فراغ والمسلمين يرجعو لبعض وأمتنا تنهض وكده يعني المهم أنا شاورتلها مرتين ملقتهاش استجابت فقلت : أكمل وأخشع في الصلاة أحسن طبعاً إنتو عارفين إن المصلين لازم ينزاحو جنب اليمين يعني إذا في فراغ بين مجموعتين في الصف لازم المجموعة اللي على الشمال تتحرك ناحية المجموعة اللي عاليمين طبعاً أنا عارفة ده وعماله بقول يا ربي أنا اللي عاليمين هي الست دي ليه مش راضية تتحرك أول ما خلصت الصلاة وسلمت مع الإمام عرفت اليمين من الشمال والغرب من الشرق وإن أنا اللي كنت سايبة الفراغ مش هي (الست اللي كانت جنبي وطلعت أنا اللي عالشمال وهي اللي عاليمين وطلعت انا اللي غلطانة عارفين جايز يبان كأنه موقف بسيط بس أنا فعلاً اتعلمت منه كتير أول حاجة : إن الواحد يتأكد من يمينه وشماله يعني يحط على اليمين لون أحمر والشمال لون تاني بس ربنا يستر لما النور يقطع )
لا بجد اللي اقصده : إن الواحد لازم يتأكد من المعلومة أو من الحديث أو من الآية اللي هو بيقولها مش بس كده لازم يتأكد إنه فاهمها كويس وتاني حاجة : إن أكبر غلط ممكن الإنسان يعمله إنه يفتكر إن هو صح والناس كلهم غلط وفي الغلب بيطلع هو اللي غلط يعني انتو متخيلين اني كنت عايزة أزيح الصف كله ناحيتي عشان انا مفكره اني صح وكلهم غلط طبعاً دي كارثة بس والله كان قصدي خير
ده كان الموقف الأول والمواقف جاية كتير بس لما تردوا علي وسمع رأيكم الكريم وأشوف حلاوة تجاربكم بجد والله التجارب دي أكتر حاجة بتعلم بالذات إذا كنا بنتناقش فيها وبندي خبراتنا لبعض مالسلاو
قصدي والسلام .. معلش اليمين والشمال دخلو في بعض والسلام عليكم ورحمة الله وبركاته [/size]
عدل سابقا من قبل زهرة البراري في الجمعة يونيو 13, 2008 6:14 pm عدل 2 مرات
++ cute ++
عدد الرسائل : 443 اعلام الدول : مزاجك اليوم : المهنة : تاريخ التسجيل : 01/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الإثنين يونيو 02, 2008 4:02 pm
يمين شمال ... يمين شمال ... يمين شمال ...
و الله أنا كمان بتلخبط فيهم أوووووي مش إنتي بس يا زهره ....
و كويس إن ربنا ستر و محصلتش حاجه تانية ....
و أكيد طبعاً كلنا لنا تجاااارب كتيييييير ...
بس يمكن دلوقتي الذاكره خانتني ... استني بقى عليا لحد ما اعصرها و افتكر ....
و على فكره الموضوع عاجبني جداً .... إن شاء الله كلنا نستفيد من بعض .... \ / \ / \ / دمتي بود :- just cute
روح
عدد الرسائل : 9 تاريخ التسجيل : 02/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الإثنين يونيو 02, 2008 9:59 pm
عجبني الموضوع بصراحة ،،
زهرة .. أسلوبك رائع ،،
والموقف اللي وقعتي فيه خطير بجد ،،
لو كنت مكانك .. كنتي شفتي ألوان الدنيا كلها في وشي ،،
بالنسبة ليا أنا مش فاكرة مواقف دلوقتِ ..
بس مستنية الاستفادة من البقية ..
حلم النهضة
عدد الرسائل : 966 العمر : 32 اعلام الدول : مزاجك اليوم : المهنة : تاريخ التسجيل : 28/05/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الثلاثاء يونيو 03, 2008 3:48 pm
أختي العسولة زهرة على فكرة انا في منتدى تاني بيقولولي زهرة حاسة اني بكلم نفسي منهتى الغباء اللي انا فيه ده ما علينا ندخل في المفيد موضوعك حلو و طبعا متميز جدا كفاية بجد انك اتكرمت و شاركت مع ذوي العقول اللي على قدهم يا جميل اللي عجبني في موضوعك حاجتين اول حاجة رغبتك بجد انه في حاجة غلط عايزة تصلحيها و ده في حد ذاته شيء راااااائع و كمان اللي عجبني انك اخدتي من الموضوع فكرة و فايدة (اهمها طبعا عرفتي الجهات و ده اهم حاجة ) و انك اكيد عرفتي انك متوجهيش دعوتك الا اما تكوني واثقة من كلامك او رايك و ده في كل شيء مش بس في الدعوة غالبا بيحصل معايا ان الواحد بيشوف حاجة غلط او حرام بيحس بقى ايه ده عييييييييب ازاي يعني فسق و فجور فبيبدأ احيانا يتعامل بالاسلوب ده و اكيد ده هينفر الناس منه لكن اهم حاجة و انتي بتدعي حد انك تكوني عارفة انه انتي كارهة الغلط اللي هو غلطه بس مش كاراه و بالتالي انتي حابة الشخص اللي بتدعيه و بتتمنيله الخير فاكيد مش هيهمك اي شيء غير انه يعرف الخير و يستفيد بيه فهتوصلي لمرحلة الدعوة الصح لانك همك ان الغلط يتصلح مش نثبت قدراتنا و شطارتنا واننا مفيش مننا هندخل الجنة حدف و بس و ده بصراحة اتعلمته من استاذ معز مسعود لانه علمنا حاجة حلوة جدا (أيوه أكره أي غلط و متكرهش الغلطان كان ممكن تبقى انت مكانه تكون في التوبة طمعان او تايه و محدش قاله الصح طريقة ازاي ادعيله ربنا يهديه و يغير عمره الجاي) انا خرجت من الموضوع شوية لان الست او انتي يعني معملتوش جريمة بس الحلو اوي اننا نحب ندعي غيرنا و لو غلطنا نعترف و نقول صح غلطنا و نتقبل راي الاخر
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الثلاثاء يونيو 03, 2008 10:40 pm
موضوع رائع جدا يا زهرة وانا متفقة معك في كل النقاط خصوصا نقطة انو الواحد لما بيفكر نفسو على حق والناس كلون غلط والمفترض ما يصير هيك منوب مثلا لو واحد راح قال لجماعة انتو صلاتكم كلها خطأ في خطأ وافترضي كان معاهم اللي ما بيصلي بقى شو بيقولو هاد لسا ما صليناش وقاعد بيقول صلاتكم غلط ومن هنا نتعلم انو الدعوة مش سهلة صعبة ومسؤولية كبيرة لازم نكون قدها وقدود وناخد مبدا التشاور والحوار مش الهمجيي شكرا
حلم النهضة
عدد الرسائل : 966 العمر : 32 اعلام الدول : مزاجك اليوم : المهنة : تاريخ التسجيل : 28/05/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الأربعاء يونيو 04, 2008 2:17 pm
ايه فينك يا زهرة حطيتي موضوع متميز كده و بعدين حرمتينا منك لا يا قمر يلا بسرعة املي المنتدى ردود مستنييينك أحبك في الله
زهرة البراري
عدد الرسائل : 142 تاريخ التسجيل : 02/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 06, 2008 3:58 pm
اقتباس :
و على فكره الموضوع عاجبني جداً .... إن شاء الله كلنا نستفيد من بعض ....
كيوت إنتي دايماً أول واحده بتشرفي بمرورها و يا عيني على ذاكرتك متخنكيش غير في مواضيعي و مستنياكي
زهرة البراري
عدد الرسائل : 142 تاريخ التسجيل : 02/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 06, 2008 4:02 pm
اقتباس :
لو كنت مكانك .. كنتي شفتي ألوان الدنيا كلها في وشي ،،
بالنسبة ليا أنا مش فاكرة مواقف دلوقتِ ..
بس مستنية الاستفادة من البقية ..
بجد يا "روح" شرفتيني بوجودك طبعاً إنتي صديقه عزيزه و متتخيليش سعادتي قد إيه لما شفت اسمك منور الموضوع
و بالذات إنتي المفروض كنتي تقولي بدل الموقف 10
افضلي اعصري لحد ما تفتكري
أحبك في الله
زهرة البراري
عدد الرسائل : 142 تاريخ التسجيل : 02/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 06, 2008 4:09 pm
اقتباس :
انك اكيد عرفتي انك متوجهيش دعوتك الا اما تكوني واثقة من كلامك او رايك و ده في كل شيء مش بس في الدعوة غالبا بيحصل معايا ان الواحد بيشوف حاجة غلط او حرام بيحس بقى ايه ده عييييييييب ازاي يعني فسق و فجور فبيبدأ احيانا يتعامل بالاسلوب ده و اكيد ده هينفر الناس منه لكن اهم حاجة و انتي بتدعي حد انك تكوني عارفة انه انتي كارهة الغلط اللي هو غلطه بس مش كاراه
والله درر أنا كنت متأكده إنك أكتر واحدة هتثري الموضوع وكلامك كله حكم
آه صحيح وربنا يخلي أستاذ معز
زهرة البراري
عدد الرسائل : 142 تاريخ التسجيل : 02/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 06, 2008 4:13 pm
يسلم تمك بالمصري:فمك وبالخليجي : صح لسانج
كلااااااااااام سليييييييييييييييييييييييم 100% ما فيني قول غير تسلمي يا قمر
زهرة البراري
عدد الرسائل : 142 تاريخ التسجيل : 02/06/2008
موضوع: الموقف الجديد الجمعة يونيو 06, 2008 4:41 pm
واديني رجعتلكم بعد غياااااااب أنا طول عمري بسأل نفسي هو مين الأحسن الدعوة باليد ولا بالسان ؟ طبعاً كلنا عارفين الحديث : ((من رأى منكم منكراً فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان ))
صدق رسول الله
مرة أنا وصاحبتي الأنتيم كنا بنتمشى وكان في رجالة في المدرسة المهم إنها كانت مشمرة كمها حبتين وطبعاً أنا الرجالة المساكين صعبوا عليا احتمال ميتجوزوش بسبب دراعها هههههههههههههههههههههههههههههههه
لا بجد صحبتي بيضة وأموووووورة بس أنا طبعاً أحلى
المهم لما قلتلها نزلي كمك عشان الغلابة اللي بيشتغلوا هناك دول راحت طنشت ولما قلتلها تاني راحت قالت لي يعني جت على الحبة دول وفي الآخر قالت لأ وأخدت الموضوع بعند أو بحساسية معرفش !!!! أختي ""سوسو قالتلي جايز صاحبتك مش من النوع اللي تقوليلو يستجيب
وفي مرة تانية
كنا قاعدين في الباص وبرضه كمها كان مرفوع معرفش ايه الحكاية !!! بس المرة دي أنا متكلمتش نزلتلها كمها وابتسمت في وشها وقلتلها كفاية إغراءات الغريب انها ابتسمت لي واتقبلت الموضوع بصدر رحب جداً لدرجة إنها كل ما تبص على الكم تبتسم
ففي أحيان كتيرة بيبقى التغيير باليد أفضل لأنك لما تكلمي حد يمكن يحس بالنقص وكأنك بتجرحيه وانتي بتوجهيه مباشرة
في موقف تاني
اني مرة كنت ماشية في الشارع مع بابا في اسكندرية في سموحة كمان وكان الجو يجننننننننننن وشفت واحدة باين من ملامحها إنها عصبية أنا اللي لفت نظري إن الهوا كان مطير الطرحة شوية فكانت رقبتها البيضة باينة (ده حتى البيض غلا اليومين دول) وانا بجد والله كان صعبان علي لأن الست حجابها كامل وولا شعرة منها كانت باينة طب تعملي ايه يا ريري
رحت بصتلها وشاورت على رقبتي كأني أنا اللي بظبت طرحتي مش هي
اللي استغربت له أووووي إني لقيت الست فوراً في ساعتها بصت على طرحتها وظببتتها بدون حتى متحس إني كان قصدي عليها ففي أحياناً برده بتبقى الرسائل البصرية السريعة أبلغ من 100ألف مليون كلمة
ده كان موقف النهردة
ياااااا جماااعة فين مواقفكم قولولي حاجة من الحاجات اللي بتحصل معاكم
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 06, 2008 6:31 pm
شكراً يا ريري على الموضوع الجميل ده و انتي عرفة انا ما اقدرش ازعلك ومحطش موقف طيب يا ستي الموقف كالتالي : ـ
انا وصحبتي كل يوم كالعادة بنروح المسجد وطبعاً وكاي مسجد لازم يكون في مكتبة صغيرة كده محطوط فيها كتب عامة لكل الناس راحت صحبتي ربنا يحفظها اخدت كتاب معاها البيت وكانت نيته ان هي مش هترجعه تاني
رحت انا فوراً فهمته وقلتله ان الكتاب ده حلو جداً بس انا في رائي مينفعش نخدو عشان ناس تنين غيرنا يستفيدو منه
المهم .... أعدت تسالني شويساله وانا عملة زي ام العريف قعدة بجوبلها بعدين الست اقتنعت والحم لله و راحت مرجعاه
عرفين الي حصل بعدين
طلع الكتاب كتاب خيري يعني ينفع اي حد يخده
ادعولي اعرف افهمه تاني
دعواتي لكم بالتوفيق طموووحة
++ cute ++
عدد الرسائل : 443 اعلام الدول : مزاجك اليوم : المهنة : تاريخ التسجيل : 01/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 06, 2008 9:16 pm
يا عيني عليكي يا ست طمووحه
بجد الواحد لازم يعرف هو بيعمل إيه و بعدها يروح يدعو الناس .... يعني مش يبقى كده طيب و أبيض يا ورد و يروح يعمل فيها شجيع السيما و ينصح غيره من دون ما يفهم هو بيقول إيه .... طبعاً الكلام ده مش لطمووحه ده ليا أنا في الأول و لنا كلنا
أفتكرت موقف حصل معايا ... من سنتين أو أكتر
كنت في مسجد المدرسه بنصلي الظهر ... و شفت واحده بتعمل حركات غريبه في الصلاة .. استغربت أوووووي ... و حبيت أعرف هي كانت بتعمل كده ليه من باب النصيحه يعني مش أكتر ... بعد ما خلصت صلاة سلمت عليها سألتها هي في أي صف و اسمها إيه و اللزي منه .. بعدين قولتها يا ريت لو تيجي كل يوم هنا عشان نصلي جماعه مع بعض ... رفضت و قالت إنها بتحب تصلي لوحدها .... أحرجتني صراحه مع إني كنت زووق معاها ... بعدين قلتلها إن صلاة الجماعه فيها ثواب أكبر و كده يعني .... بس على راحتك يا (......) ...
بعد يومين شفتها تاني بتصلي لوحدها و برده بتعمل نفس الحركات الغريبه ... قلت لنفسي أكيد في (إن) في الموضوع .. المهم .... سألتها عن حاجه في الركوع (عملت نفسي مش عارفه) برده مجوبتش عليا و قالتلي أسأل أبله الدين أحسن ... أحرجتني تاني .... أنا لميت نفسي و شكرتها و قمت ...
بعدها بفتره .... لما سألت عنها البنات عرفت إنها [[ شيعية]] ...!!!!!
و برده اتعلمت إني لازم أعرف أنا بعمل إيه و بدعو مين و إزاي .....
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة السبت يونيو 07, 2008 3:02 am
معك حق يا كيوت لانو مش بس هيك ع الله ونروح وعاملين حالنا داعية ةهيك اشيا يعني اتخيلي لو انتي كنتي مطرحها وهيي اللي عطتيك نصيحة او قالتلك انتي بتصلي غلط شو رح تكون ردة فعلك
انا لهلق ما اتزكرت شي لما بتزكر برجعلكون سلام
حلم النهضة
عدد الرسائل : 966 العمر : 32 اعلام الدول : مزاجك اليوم : المهنة : تاريخ التسجيل : 28/05/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة السبت يونيو 07, 2008 1:28 pm
ههههههههههههههههههههههه ايه الحلاوة ده ده الواحد هياخد صفر في الدعوة بجد بتحمسوني غالبا انا كلامي مع صحابي بيبقى كله احساس بحاول قد ما اقدر احس اللي بقوله عشان فعلا يوصلهم و عندي نظرية في حكاية الدعوة او اي كلام طول ما هو خارج من القلب لازم يوصل القلب احيانا و انا بدعي الناس بدمع عشان احسس الانسانة بالروحانية و الجو الحلو ده بس مش علطول احيانا بحكيلها موقف و قصة لان القصص اكتر حاجة بتأثر و اقولها هاه ايه رايك و احيانا لو كنت غلطت نفس غلطتها ببحكيلها عن نفسي و عن ندمي و عن بجد وحاشة المعصية كل الطرق ده بتأثر الحمد لله بس اكيد مش دايما الموقف اللي هحكيه اليوم انا اللي ادعيت فيه مش انا اللي دعيت و اللي فكرني بيه موقفك يا زهرة انك محبتيش تحرجي الست او تحرجي انتيمتك و ده احلى شيء في النصيحة انها متجرحش
الموقف يا ستي كنت يوم قاعدة و باكل سندوتش بإيدي الشمال و خالي قاعد ادامي و ياسر جنبي و بابا و ماما قاعدين و انا باكل و طبعا مش واخدة بالي من حكاية الشمال ده (أيوة طبعا انا اما باكل مبعرفش نفسي )
المهم خالي قال يا ياسر كل بايدك اليمين ياسر بصله وسكت لان ياسر مكنش بياكل اصلا!!!!!!!!!!1 و انا برده الغباء مستفحل و اعدة بكمل اكل ايزييييييييييي المهم يسورة كل بايدك اليمين يا حبيبي عادها تلات مرات انا اتنرفزت لاخويا الصراحة !!! رحت قلتله ايه ياسر مبياكلش قام سكت بابا بقى هو اللي مقدرش يمسك نفسه قالي طب كلي انتي باليمين ههههههههههههههههههههه و اللله يوميها اعدت اضحك على نفسي و اكلت باليمين و انتهى الامر مجرحنيش و لا احرجني ادامهم و الاهم انه كان من قلبه مش قصده انا بدعوكي عشان انا احسن منك في الدين و عارف و بتاع انا بدعوكي لاني بحبك و بتمنالك الخير هنا بيكون الفرق و هنا بجد بناثر في اللي حوالينا موضوعك متميز و تم التثبيت يا سكر
++ cute ++
عدد الرسائل : 443 اعلام الدول : مزاجك اليوم : المهنة : تاريخ التسجيل : 01/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الأحد يونيو 08, 2008 11:58 pm
صرااااااااااااحه .. إنتي تححححححفه يا بت ...
أكيد لما بتاكلي بتنسي نفسك .....
ههههههههههههههههههههههههه
بحب الأسلوب ده لإنه بيوصلك بدون ما تتجرحي أو تتحرجي ....
فاكره مرة كنا بنصلي في مسجد في حديقة .... و كان في واحده عاوزه تصلي .. فقامت و فرشت سجادة الصلاة بس كانت حاطة السجادة بطرقة غير يعني مش في جهة القبلة خالص ... و لسه هتقول الله أكبر ... و الله القبلة كانت غلط .. مع إنه مكتوب اتجاه القبلة ... أنا رحت قبل ما هي تصلي عشان أسألها هي القبلة إزاي .... بعدها شاورتلي ع القبله اللي هي اخترعتها مع نفسها ... بس أنا قلتلها هو مفيش هنا حاجة توريني مكان القبله .. المهم .. هي بصت حوليها و شافت الجهة الصح .. و بعدها قالتلي شكراً لإنك سألتيني عشان أصلي صح ....
طبعاً أنا فكرت مع نفسي .. لإني لو كنت قولتلها إن قبلتك غلط و إن كده حرام و إن ربنا مش هيستجيب صلاتك لإنك مش عارفه حتى مكان القبله ... كانت هتقضي عمرها كله تدعي عليا و تكره إن أي حد بعدي ينصحها ..
بس الحمد لله إن أنا cute و إن ربنا هداني عشان أعمل كده .....
و ياااااااااااااااااااااارب كلنا نكون داعيات إلى الله و على بصيرة ....
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الإثنين يونيو 09, 2008 2:31 am
اي كتييير حلو الموقف للي عمليتيه يا كييوت بس بطلي غرور بقى يا بت احسن ما نبق البحصة هه؟؟؟؟
الي رجعة مع موقف تاني.......
زهرة البراري
عدد الرسائل : 142 تاريخ التسجيل : 02/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الإثنين يونيو 09, 2008 1:23 pm
ايه ده الموضوع اتثبت ؟؟؟!!! <<< عقبال م استوعبت >>>> ده بجد أحلى خبر
والأجمل المواقف اللي اتكتبت فيه وهي بجد مفييييييييييييييييييدة جداً
خليني أرد على رورو ......>حلم النهضة
بصراحة خالك ده زي العسل احمدي ربنا عليه ده أنا وخالي الصغير ناقر ونقير مبتفاهمش وعلى طول خناقات لباب السما
أحلى حاجة في النصيحة إنها متجرحش)) (( ده هيبقى قول مأثور عن الست رورو وهياخد بيه كل الشباب الصغير في نصاحيهم للصحابهم بإذن الله
أما بالنسبة لـ cute فأنا ملياش كلام بعد اللي ساريتا قالتو فالت اللي في قلبي والله
بس بصرااااااحة الكل يشهد لك يا cute إن ذكائك الاجتماعي عااااااااااااااااااااااااااااااااااااااااااالي
والذكاء الاجتماعي مطلوب جداً في الدعوة
وإذا كانت مشاركتي حلوة يا كيوت قلبي
فاللي حلاها هو مشاركات أعضاء -أو بالأحرى عضوات- منتدى أمتنا الأمورات- معرفش ليه الولاد مقاطعين الصفحة دي ؟؟؟
هرجعلكم بموقف جديد قريب إن شاء الله وجزى الله خيراً كل من ساهم في هذه الصفحة أو فتحها فقرأها وانتفع بيها وربنا ينفع بينا أمتنا يا رب
حلم النهضة
عدد الرسائل : 966 العمر : 32 اعلام الدول : مزاجك اليوم : المهنة : تاريخ التسجيل : 28/05/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الإثنين يونيو 09, 2008 5:54 pm
رديت على الموضوع و طار الرد من سرعة النت
هحكيلكم على موقف تاني عشان نسيت اللي كتبته
انا اول سنة تكون معايا واحدة مسيحية في الاول مكنتش بحبها لانها اسلوبها غريب عني شوية بس بعدين حبتها و بقينا كويسسن يوا في يوم كان عندهم عيد فكانت غايبة و غابت يومين المهم انا قلت هتصل بيها اعيد عليها متتصوروش البت ده يا عيني متعقدة من المسلمين ازاي من كتر اللي اتعمل فيها فاما جيت اتصل و اخد نمرتها من صحبتي قالتلي مش حرام نعيد عليها قلتلها معرفش فقلت خلاص انا نيتي بس افهمها ان المسلمين كويسيين و طيبيين مش زي ما هي شايفة و مش هقول لها كل سنة وا نتي طيبة و الله يا جماعة متتصوروش اول ما اتصلت و عرفت اني اروى شهقت و اعدت تقوزلي بجد انتي اتصلتي تعيدي عليا صح انا فرحانة اوي محدش غيرك اتصل يعيد عليا انتي طيبة اوي البت كانت محتاجة حد يسال عليها بجد صعبت عليا جدا غالبا امابغيب و الاقي صحبتي اتصلو بيا بحس باهميتي عندهم و هي محدش اتصل حسيت بجد اني وصلتلها حاجة حلوة دايما نتعامل باخلاق الاسلام اعتقد ده احلى دعوة دعوة اخلاق الاسلام
al ba7esa 3n elgana
عدد الرسائل : 347 العمر : 35 اعلام الدول : مزاجك اليوم : المهنة : تاريخ التسجيل : 07/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الإثنين يونيو 09, 2008 9:17 pm
السلام عليكم ورحمه الله وبركاته أزيييييييييييييييييييييييييييييييييييييييييييييييييييييييكوا يا بناويت عاملين ايه؟ مااااشاااااااااااااااااااااااااااااااااااااااااااء الله لا قوه الا بالله ربنا يباركلكوا يابناويت صغيرين بس ماشاء الله عندكوا هدف كبيروبصرااحه الموضوع عجبنى جدا جدا وعجبنى كمان تفطيركوا اوى ربنا يباركلكوا يارب أنا بقي موقفى مش كبير يعنى بس وقت ما حصل فهمت فرحت اوى لانىكنت بعمله بتلقائيه مقصوده بمعنى انى فعلا انا بقول كده بس كان نفسي ربنا يهدى صحبتىدى المهم الموقف بقي أنا على طول الحمد لله اول ما بردعلى التليفون بقول السلام عليكم وانا طبعا ما اقولكوش عندى كل صحباتى بيقولوا حاجات غريبه كده فى التليفون ببقي عايزه اقولهم نزلوا الترجمه علشان افهم انتوا بتقولوا ايه المهم كنت مره صحبتى دى اتصلت عليا وقلت السلام عليكم ردت السلام وراحت اول كلمه قالتهالى قالتلى انا بحبك اوى يا شهد قلتلها ده من ايه ده قالتلى بتحسسينى بحب الدين فعلا فبقولها ايه يا بنتى فى ايه انتى هتموتى ولا ايه وطبعا كنا بنهزر قالتلى لا علشان كلنا قعدنا نتريق عليكى كتير علشان السلام عليكم دى ومش عاف ايه وانتى برضوا مصممه تدورى على اى حاجه تاخدى منها حسنه وكده قلتلها شكلك سخنه خالص قالتلى لا بجد انتى ادتينى درس كبير وعلمتينى انى لازم احترم دينى وابدء بالسلام زى ما الرسول صلى الله عليه وسلم ماقال حى لو فى الكلام بس وحتى لما بتيجى تقفلى برضوا بتلقى السلام ولو انا اللى القيتعليكى السلام بترديه كله بصراحه انا ما كنتش متخيله خااااااااااااااااااااااالص ابيات الشعر اللى هى قالتها دى بس فعلا وقتها فرحت اوى وعرفت ان الواحد لما بيكون متمسك بدينه بجد حتى فى اقل التصرفات ويكون النيه متوفره ربنا بيكرمنا ربنا يكرمك يازهره بجد على الموضوع الاكتر من راااااااااااااااااااااااااااااااااااااااااائع ياقمر
حلم النهضة
عدد الرسائل : 966 العمر : 32 اعلام الدول : مزاجك اليوم : المهنة : تاريخ التسجيل : 28/05/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الثلاثاء يونيو 10, 2008 2:08 pm
بالظبط انا غالبا برد اقول الو بس مش عارفة مين اللي قالي اغيرها يا كيوت يا حد تاني مش قادرة افتكر قالتلي قولي السلام احسن اتكسفت على دمي و بقيت اقولها بس حكاية انه صحبتك اتصلت تقولك بحبك اوي فانا صحبتي اتصلت برده بيا و كانت بتبكي و منهارة و اعدت تقولي انا بحبك اوييييييييييي انتي بتدعيلي صح انا كويسة دلوقتي عشان انتي بتدعيلي حسيت فجأة اني بس بدعائي ليها كنت سبب انها الحمد لله دلوقتي كويسة و محصلهاش حاجة و بعدها لقيتها بتقولي اروى كلميني عن الدين و قالتلي انها بتحبني عشان انا مش معقدة في الدين اوي يعني بهزر و في نفس الوقت بتكلم في الدين حسيت بجد انه اخلاقي و تعامل الاسلام قذف في قلبها محبتي و كنت سعيدة جدا بده يارب ارزقنا الثبات
اليوم افتكرت موقف امبارح اما كنت بدي محاضرة لبنات صفي عن النهضة فجأة حسيت انه لازم انتهز الفرصة و اقولهم حاجة صغنونة و لقيت ربنا اجرى الكلمة على لساني و حستها جدا انا دمعت و انا بقولها كنت حاسه الكلام و عاوزاهم يحسوه و يعيشوه بجد انك تحسي اللي بتقوليه هيكون احسن مليون مرة لو قلتيه من غير احساس و لقيت معز بيقولها امبارح بيقول يارب الكلام يكون طلع من قلبي عشان يوصل لقلوبكو بالظبط هو ده المعنى انك تطلعي الشيء من قلبك لازم يوصل زي بالظبط الكلمة الحلوة يعني اما اقول لشهودة وحشتيني و هي فعلا وحشاني هتوصلها لانها بجد من قلبي ولو موصلتش هتوصل يا بت هي عافية
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الثلاثاء يونيو 10, 2008 4:10 pm
ايه ده هو انت كنت بتقولي وحشتيني ل"شهد"؟؟!!!!! أمال أنا وصلتني ازاي ؟؟؟
"شهد" مش عارفة أقولك ايه ؟ ده يمكن من أبسط اللأمور بس كفاية إنك بتخدي على السلام 20حسنة وبتخلي اللي يرد ياخد 30حسنة وكمان انتي نبهتيني على الحكاية دي ساعات كتييير بنساها زصدق رسول الله صلى الله عليه وسلم لما قال : ((لاتحقرن من المعروف شيئاً ولا أن تلقى أخاك بوجهٍ طلق))
إلى شهد -الباحثة عن الجنة- أنا بجد حبيتك في الله أوووووووي
والكلام طالع من القلب
متغا روش كده .... أصلها عضوة جديدة
بس أنا بحب كيوت وحلم النهضة وروح و كريتف و جوبا في الله بجد والله
ولو في عضوة مكتبتهاش فأكيد لسة معرفتهاش
استنوا الموقف الجاي مهم جداااااااااااااااااااااااااااااااااااااااااااااااً ومحتاج وقفة
al ba7esa 3n elgana
عدد الرسائل : 347 العمر : 35 اعلام الدول : مزاجك اليوم : المهنة : تاريخ التسجيل : 07/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الثلاثاء يونيو 10, 2008 6:50 pm
السلام عليكم ورحمه الله وبركاته طبعااااااااااااااااااااااااااااااااااااااااااااااااااااااااااااااااااااااااااااااااً يا أروتى وصلت لقلبى والله وعارفه أنك بتقوليها بصدق أنتى وطموووووووحه لأن مافيش اللى يخلينا نكدب على بعض وأنتى ناسيه المعاهده ولا ايه وأنا كمان بحبك فى الذى أحببتينى فيه يا طموووووووحه وبشهد ربنا على كلامى أن شاء الله أنتى حلم النهضه والبت كيوت الاخت ساريتا اللى معظم كلامها بيطير منى والاختزهره البرارى وكلكوا والله والله على ما اقوله شهيد وطبعا الاهم وأحسن حاجه أنى فكرتكوا بحاجه الحمد لله ننفذها كلنا ونبقي كلنا مشتركين فى الطاعه والمعروف ده وربنا يتقبل ان شاء الله
حلم النهضة
عدد الرسائل : 966 العمر : 32 اعلام الدول : مزاجك اليوم : المهنة : تاريخ التسجيل : 28/05/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 13, 2008 2:54 pm
ايه الحلاوة ده ربنا يبارك فيكي حبيباتي وا نا كمان بحبكم جدا جدا جدا و اتمنى لكم الخير دايما
زهرة البراري
عدد الرسائل : 142 تاريخ التسجيل : 02/06/2008
موضوع: رد: مواقف لا تنسى في الدعو ة .......موقف جديد.... ادخل للآخر الصفحة 2 بسررعة الجمعة يونيو 13, 2008 5:43 pm
على فكرة طموووحة كده حرقت المفاجأة وأساساً أنا الي مليتها والله
حصل غلط بعت المشاركة بعدين لقيتها بإسم طموووحة يلا حصل خير
يعني أنا كمااان بحبك في الله يا باحثة عن الجنة أووووووووي
أما الموقف الخطيييير والمهم أوي فأهوه :
: :
7
مواقف لا تنسى في الدعو ة .......موقف جديد.... ادخل للآخر الصفحة 2 بسررعة